सोलापूर : विठ्ठलराव शिंदे साखर कारखान्यातर्फे कारखान्याच्या सभासदांना अल्प दरात साखरेचे वाटप करण्यास सुरुवात करण्यात आली. आमदार बबनराव शिंदे यांच्या पुढाकाराने राबविण्यात आलेल्या या उपक्रमामुळे सणासुदीच्या दिवसांत घरपोच साखर मिळाल्याने सभासदांमधून आनंद व्यक्त केला जात आहे.
पंढरपूर तालुक्यातील माढा विधानसभा मतदारसंघात येणाऱ्या गावात जाऊन शिंदे कारखान्याच्या सभासदांना साखरेचे वाटप करण्यात येत आहे. रोपळे व परिसरातील आष्टी, येवती, खरातवाडी, बाभूळगाव व मेंढापूर येथील सभासदांना साखर अल्पदराने देण्यात आली. या वेळी नितीन कदम, संभाजी पवार, अमर पवार, कारखान्याचे चिटबॅय अरुण कोरके, शेती विस्तार अधिकारी भीमराव कुसुमडे, विलास भोसले, नागनाथ माळी, महेश कदम, चंद्रकांत कदम आदी मान्यवर उपस्थित होते. या वेळी सुमारे २५० सभासदांना प्रत्येकी ५० किलो अल्प दराने देण्यात आली.
